ألا ياليت الزمن يرجع وراء
ولا الليالي تدور
ويرجع وقتنا الأول
وننعم في بساطتنا
زمان أول أحسه إنه
زمان فيه صدق شعور
نحب ونخلص النيه
وتجمعنا محبتنا
زمن مافيه لا غيبه
ولا حتى نفاق وزور
ياليته بس لو يرجع
ونسترجع طفولتنا
صغار قلوبنا بيضاء
نعيش بعالمِ محصور
ولا نعرف أبد أغراب
مغير عيال حارتنا
صحيح صغار في التفكير
لكن ماعلينا قصور
نخطط نكسر اللعبه
وتسعدنا شقاوتنا
نروح المدرسه بدري
ونضحك داخل الطابور
نحاول نزعج العالم
في روحتنا وجيتنا
وعشان تتـأخر الحصه
نخبي علبة الطبشور
نشاغب بس في الآخر
تميزنا براءتنا
نحب الضحك والهيصه
نحب ننط فوق السور
نفرفش ليه مانفرفش
ما دام الضحك عادتنا
ولكن دارت الأيام
وبان الخافي المستور
وصار الهم متعلي
على قمة سعادتنا
كبرنا وصارت الدنيا
تصف أحزاننا بالدور
وتهدينا الألم والهم
غصب عن عين رغبتنا
تعبنا من بلاوينا
أحد ضايق و أحد مقهور
وكلن غارق بهمه
وفي الآخر تشتتنا
وأنا ما اقول غير إلا
ياليت إن الزمان يدور
ويرجع للوراء فتره
نعدل وضع عيشتنا
ألا ياليت الزمن يرجع وراء
ولا الليالي تدور
ويرجع وقتنا الأول
وننعم في بساطتنا
ليست هناك تعليقات:
إرسال تعليق